Af gotneskum uppruna Íslendinga- glöggur maður Ebeneser Henderson - 1. hluti

Af þeim áhuga sem flestum virðist í blóð borinn, að leita uppruna síns, hef ég að undanförnu gluggað í gamlar bækur sem fjalla um uppruna íslenkrar þjóðar. Er ég orðinn enn staðfastari í þeirri kenningu að uppruni þjóðainnar sé gotneskur. Ebeneser Henderson hét maður sem kom hér  og ritaði bók um dvöl sína í landinu á árunum 1814-1815.  Þar segir hann svo frá í skýrum orðum: "The Icelandic is justly regarded as the standard of the grand northern dialect of the Gothic language." Á meðan hann heldur því fram að sænska og danska og reyndar norska sem sé nokkurs konar díalekt milli sænsku og dönsku, séu frekar af  tetónskum eða germönskum meiði. Til að staðreyna þetta er fróðlegt að sýna dæmi. Það ber svo vel í veiði að gotneskt ritmál frá því um árið 350 hefur varðveist. Wulfia (Úlfur) hét maður sem sneri Biblíunni á gotneska tungu. Prófessor Jón heitinn Helgason í Árnasafni gerði  biblíutexta Wulfia aðgengilegan i formála bókar sinnar Kviður af Gotum og Húnum. Textinn er svona: "Wairþai wilja þeins, swe in himina jah ana aírþai" (verði vilji þinn, svo í himni og á jöðu). Það er sláandi hversu nútíma íslenska er lík þessum forna texta að stofni til. 

Athugasemdir

[Óttar Felix Hauksson, 22.3.2007 kl. 12:44]

Sæll Þrymur og þakka þér fyrir athugasemdina.  Hér er fornenski textiinn til samanburðar:  gewurþe ðin willa on eorðan swa swa on heofonum (verði þinn vilji á jörðu svo svo á himnum)

 Grútarbiblíugrínið var frægt að endemum, en leiðinlegt finnst mér hvað það hefur varpað miklum skugga á annað verk þessa frábæra fræðimanns sem ég var að vitna í: Iceland or the journal of a residence in that island during the years 1814 - 1815 að ég tali ekki um það afrek sem biblíuþýðing hans er að öðru leyti en harmagrútnum (okkur líkt, að draga fram tittlingaskítinn og gleyma því sem vel er gert).