Förum varlega í lántökur, reynum að þreyja þorrann.

Þarf ekki að fara varlega í að samþykkja þettta lán frá Bretum ef það á allt að fara í að greiða fyrir skuldbindingar einkabankanna á Bretlandi. Það er ekki gott ef ríkissjóður skuldbindur sig með slíku láni. Upphæðin fer nálgt því að vera nærri 2 milljónir á hvern einstakling í landinu eða tíu milljónir á hverja fjögurra manna fjölskyldu. Ef að liggur síðan á borðinu önnur eins upphæð að láni frá alþjóða gjaldeyrisstofnuninni og norrænum og japönskum bönkum er skuldin orðin 20 milljónir á hverja fjölskyldu í landinu ofan á þann skuldaklafa sem fyrir er.

580 milljarða lán frá Bretum

Athugasemdir

[Sigurður Þórðarson, 22.10.2008 kl. 00:40]

Sammála Óttar, við erum nú þegar skuldugasta þjóð í Evrópu og ekki á bætandi.

[Ásbjörn (IP-tala skráð) 22.10.2008 kl. 00:54]

Veit einhver um hvað þetta snýst ?  Misstu Bretar ekki allan rétt á kröfum á okkur þegar þeir leystu þessar eignir til sín ?  Höfðum við eitthvað um þetta að segja þegar þeir seldu þessar innistæður með 600 milljarða afslætti til ING í Hollandi ?

Með þvi að samþykkja/taka lánið erum við þá ekki þar með búinn að fría Breta ábyrgð á þeirra gjörðum ?  Lánið verður aldrei hrakið með öðrum aðgerðum.  Sjálfstæð aðgerð sem ekki verður tengd öðrum aðgerðum Breta.  Er ekki betra að bíða og sjá hvort að þetta sé amk ekki bara á þeirra ábyrgð eftir þeirra aðgerðir.

Hver sem hefur vitræna skýringu á þessari vitleysu vinsamlegast gefi sig fram.

[Snorri Hansson, 22.10.2008 kl. 01:33]

Það má segja með einhverjum rökum að við þurfum ekki að bera ábyrgð á þessum innlánum .En þegar við sögðum að við ætluðum ekki að greiða, þá gerðumst við úrkast þjóða og sitjum uppi með það.!

[Sigur!, 22.10.2008 kl. 01:33]

Gangi ríkisstjórnin í gildruna er allt eins gott að flytja bara héðan!

Ég tel Íslendinga eiga að hafa öll vopn í hendi sér og að ábyrgðin á þessum innlánum eigi að mestu að liggja Bretamegin auk þess sem manni skilst að við eigum að eiga kröfu á góðar bætur fyrir aðgerðir þeirra gegn Íslendingum!